പത്തനംതിട്ട : ഇലന്തൂർ ഗ്രാമപഞ്ചായത്തിന്റെയും കൃഷിഭവന്റെയും സംയുക്ത ആഭിമുഖ്യത്തിൽ 1201 ചിങ്ങം – 1 – കർഷകദിനം ആഘോഷിച്ചു. വിളംബര ജാഥ, കാർഷിക സെമിനാർ, കർഷകരെ ആദരിക്കൽ എന്നിവ കർഷക ദിനാചരണത്തിന്റെ ഭാഗമായി നടന്നു. ഗ്രാമ പഞ്ചായത്ത് വൈസ് പ്രസിഡൻറ് വിൻസൻ തോമസ് ചിറക്കാല അദ്ധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്റ് ജയശ്രീ മനോജ് കർഷക ദിനം ഉത്ഘാടനം ചെയ്തു.
ചടങ്ങിൽ ഗ്രാമ പഞ്ചായത്ത് ക്ഷേമ കാര്യ സ്റ്റാൻഡിങ് കമ്മിറ്റി ചെയർമാൻ കെ. പി മുകുന്ദൻ, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ അഡ്വ. കെ ജെ സിനി, ഗ്രാമപഞ്ചായത്ത് അംഗങ്ങളായ സജി തെക്കുംകര, ഗ്രേസി സമുവേൽ, കൃഷി ഓഫീസർ അരുണിമ എം.എൻ, കൃഷി അസിസ്റ്റൻ്റ് ആനന്ദ് കെ ജി, കാർഷിക വികസന സമിതി അംഗങ്ങൾ, പാടശേഖര സമിതി അംഗങ്ങൾ, രാഷ്ട്രീയ, സാമൂഹിക പ്രവർത്തകർ, സി.ഡി.എസ് ചെയർപേഴ്സൺ ഗിരിജ വിജയൻ, പരിയാരം എസ്സിബി പ്രസിഡന്റ് പ്രസന്നൻ പി കെ, കൃഷി വകുപ്പ് ഉദ്യോഗസ്ഥർ എന്നിവർ പങ്കെടുത്തു.
