ഫറോക്ക്: കോഴിക്കോട് കുണ്ടായിത്തോട് ദേശീയപാതയില് കെഎസ്ആര്ടിസി ബസിടിച്ച് ബൈക്ക് യാത്രക്കാരന് മരിച്ചു. കുണ്ടായിത്തോട് തെക്കേക്കുറ്റി കെ.വി. ഹൗസില് മുസദ്ദിഖിന്റെ മകന് മുഹമ്മദ് നൈസാം (18) ആണു മരിച്ചത്. ബൈക്കില് ഒപ്പമുണ്ടായിരുന്ന സുഹൃത്ത് കുണ്ടായിത്തോട് സ്വദേശി രാഹുലിനെ (18) പരുക്കുകളോടെ കോഴിക്കോടിലെ സ്വകാര്യ ആശുപത്രിയില് പ്രവേശിപ്പിച്ചു. രാവിലെ 9.15 നാണ് അപകടം. കോഴിക്കോട്നിന്നു പെരിന്തല്മണ്ണയ്ക്ക് പോകുകയായിരുന്ന ബസാണ് ബൈക്കുമായി കൂട്ടിയിടിച്ചത്.
