കോഴിക്കോട് : ഫറോക്കിലെ പെയിന്റ് ഗോഡൗണില് ഇന്നലെയുണ്ടായ തീപ്പിടുത്തത്തില് അടിയന്തിര അന്വേഷണത്തിന് ഉത്തരവിട്ട് ഫയര്ഫോഴ്സ് മേധാവി. ജില്ലാ ഫയര് ഓഫീസര് അഷ്റഫ് അലിയോട് ഡിജിപി ഡോ.ബി.സന്ധ്യ റിപ്പോര്ട്ട് തേടി. വിശദമായ പരിശോധന നടത്തി ഇന്ന് തന്നെ നടപടി സ്വീകരിക്കണമെന്നാണ് നിര്ദ്ദേശം. സ്ഥാപനം ഫയര് എന്ഒസി ഇല്ലാതെയാണ് പ്രവര്ത്തിച്ചതെന്നാണ് പ്രാഥമിക റിപ്പോര്ട്ട്.
ഫോറെന്സിക് വിദഗ്ധര് ഇന്ന് സ്ഥലത്തെത്തി വിശദമായ പരിശോധന നടത്തും. കോര്പറേഷനില് നിന്ന് ഗോഡൗണിന്റെ പ്രവര്ത്തന രേഖകള് പോലീസ് ശേഖരിക്കും. ടര്പന്റൈനും തിന്നറും ഉള്പ്പടെ പെയിന്റ് നിര്മ്മാണത്തിന് ഉപയോഗിക്കുന്ന അസംസ്കൃത വസ്തുക്കള് സൂക്ഷിച്ച ഗോഡൗണിനാണ് തീപിടിച്ചത്.
