പന്തളം : ഫെഡറേഷൻ ഓഫ് റസിഡൻസ് അസോസിയേഷൻ പന്തളം വാർഷിക പൊതുയോഗം നടത്തി. പന്തളം നഗരസഭ പരിധിയിൽ പ്രവർത്തിച്ചുവരുന്ന 24 – ൽ പരം റസിഡൻസ് അസോസിയേഷനുകളുടെ പ്രതിനിധികൾ ചേർന്ന് 2014 – ൽ രൂപീകരിച്ച കോ – ഓർഡിനേഷൻ ആണ് ഫെഡറേഷൻ ഓഫ് റസിഡൻസ് അസോസിയേഷൻ. റസിഡൻസ് അസോസിയേഷനുകളുടെ പ്രതിനിധികൾ വിവിധ വിഷയങ്ങൾ അവതരിപ്പിച്ചു. വർദ്ധിച്ചുവരുന്ന മയക്കുമരുന്ന്, ലഹരി ഉപയോഗങ്ങൾ തടയുന്നതിന് അസോസിയേഷനുകൾ ഫലപ്രദമായി ഇടപെടുന്നതിനും ബോധവൽക്കരണ ക്ലാസുകളും ഭവന സന്ദർശനവും നടത്തി ലഘുലേഖകൾ വിതരണം ചെയ്യുന്നതിനും തീരുമാനിച്ചു. ഫെഡറേഷൻ ഓഫ് റസിഡൻസ് അസോസിയേഷൻ പ്രസിഡന്റ് ചെറുവള്ളി ഗോപകുമാർ അധ്യക്ഷത വഹിച്ചു.
യോഗത്തില് 2025- 26 വർഷത്തെ പുതിയ ഭാരവാഹികളെ തെരഞ്ഞെടുത്തു. രക്ഷാധികാരിയായി ചെറുവള്ളിൽ ഗോപകുമാർ, എ രാജൻ റാവുത്തർ കുരമ്പാല (പ്രസിഡന്റ്), ഇ എസ് നുജുമുദീൻ പന്തളം (സെക്രട്ടറി), ബി പി പ്രകാശ് പറന്തൽ (ട്രഷറർ), വി ശിവൻകുട്ടി നായർ (വൈസ് പ്രസിഡന്റ്), ബിജു കെ
കൂട്ടംവെട്ടിൽ (ജോയിൻ സെക്രട്ടറി), എക്സിക്യൂട്ടീവ് കമ്മിറ്റി അംഗങ്ങളായി വല്ലാറ്റൂർ വാസുദേവൻ പിള്ള, വിഷ്ണുരാജ് പന്തളം, പി കെ ചന്ദ്രശേഖരൻ പിള്ള, ബാബു വർഗീസ്, ആർ സുരേഷ് കുമാർ, കെ എച്ച് ഷിജു, ബാബു പീ ടി എന്നിവരെയും തെരഞ്ഞെടുത്തു.
