കോഴിക്കോട് : ഫറോക്കില് ഭാര്യയെ ഭര്ത്താവ് കുത്തിക്കൊന്നു. പാലക്കാട് സ്വദേശി മല്ലികയാണ് (40) മരിച്ചത്. ഭര്ത്താവ് ചാത്തന്പറമ്പ് സ്വദേശി കുട്ടനെന്ന ലിജേഷ് പോലീസില് കീഴടങ്ങി. കത്രികകൊണ്ട് യുവതിയെ കുത്തിക്കൊല്ലുകയായിരുന്നു. ഭാര്യയോടുള്ള സംശയം കൊലപാതകത്തിലേക്ക് നയിച്ചെന്നാണ് വിവരം. ഫറോക്കിനു സമീപം കോടമ്പുഴയില് ഇന്നലെ രാത്രി ഒമ്പത് മണിയോടെയായിരുന്നു സംഭവം.
കൊലപാതകത്തിനു ശേഷം ലിജേഷ് തന്നെയാണ് പോലീസിനെ വിളിച്ച് വിവരം അറിയിച്ചത്. തുടര്ന്ന് ഇയാള് പോലീസില് കീഴടങ്ങുകയായിരുന്നു. മല്ലികയുടെ കഴുത്തിലും തലയിലുമാണ് പരിക്ക്. ഇന്നലെ രാത്രി പതിവിലും കൂടുതല് ബഹളം കേട്ടിരുന്നതായി നാട്ടുകാര് പറഞ്ഞു. നേരത്തെയും ഭര്ത്താവ് തന്നെ ഉപദ്രവിക്കുന്നതായി മല്ലിക അയല്വാസികളോട് പരാതിപ്പെട്ടിരുന്നു. സംശയരോഗിയായ ഇയാള് മിക്കപ്പോഴും ഭാര്യയുമായി വഴക്കിട്ടിരുന്നു. ആറും മൂന്നും വയസ് വീതമുള്ള രണ്ട് കുട്ടികളുടൈ അമ്മയാണ് മല്ലിക.
