പത്തനംതിട്ട : തദ്ദേശസ്വയം ഭരണ തെരഞ്ഞെടുപ്പ് മലയാലപ്പുഴ പഞ്ചായത്തിൽ കോൺഗ്രസിൽ തർക്കം രൂക്ഷം. കോൺഗ്രസ് ബ്ലോക്ക് ജനറൽ സെക്രട്ടറി മിരാൻ വടക്കുപുറം കോൺഗ്രസ് വിമത സ്ഥാനാർഥിയായി വാർഡ് 7 കിഴക്കുപുറത്ത് മത്സരിക്കുന്നു. കോൺഗ്രസിൻ്റെ ഔദ്യോഗിക സ്ഥാനാർഥിയായി ബെന്നി ഈട്ടിമൂട്ടിലിനെ തിരഞ്ഞെടുത്തു കോൺഗ്രസ്. ബ്ലോക്ക് ജനറൽ സെക്രട്ടറിയാണ് ബെന്നി. മലയാലപ്പുഴ ടൗൺ വാർഡിലും കോൺഗ്രസിൽ ചേരി തിരിവാണ്.
പ്രവർത്തന മികവ് ഉള്ള ബ്ലോക്ക് കോൺഗ്രസ് കമ്മറ്റി വൈസ് പ്രസിഡന്റ് പ്രമോദ് താന്നിമൂട്ടിലിനെ പരിഗണിച്ചില്ലെന്ന് കാട്ടി ഒരു വിഭാഗം അമർഷത്തിലാണ്. മലയാലപ്പുഴ 14 കോഴികുന്നം വാർഡിൽ ഔദ്യോഗിക കോൺഗ്രസ് സ്ഥാനാർഥി അഡ്വ. ആശാകുമാരിക്ക് എതിരായി കേരള കോൺഗ്രസ് ജില്ലാ സെക്രട്ടറി അനിൽ ശാസ്ത്ര മണ്ണിൽ സ്വതന്ത്ര സ്ഥാനാർഥിയായി മത്സരിക്കുന്നു. മണ്ഡലം പ്രസിഡന്റും ജില്ലയിലെ സംഘടനാ ചുമതലയുള്ള ജനറൽ സെക്രട്ടറിയും ചേർന്ന് തീരുമാനം അടിച്ചേല്പിക്കുന്നുവെന്ന് ഒരു വിഭാഗം കോൺഗ്രസ് നേതാക്കൾ പറയുന്നു.
