ദോഹ : ഹയാ ഹയാക്ക് പിന്നാലെ ആരാധകർക്ക് ആഘോഷമാക്കാൻ മറ്റൊരു ലോകകപ്പ് ഗാനം കൂടി അവതരിപ്പിച്ച് ഫിഫ. ഫിഫ യൂ ട്യൂബ് ചാനലിൽ മാത്രം ഒന്നരക്കോടിയിലേറെ ആളുകളാണ് തീം സോങ് കണ്ടത്. കോംങ്കോ-ഫ്രഞ്ച് റാപ്പർ ഗിംസും, ലാറ്റിൻ ഗ്രാമി അവാർഡ് ജേതാവ് പ്യൂടോറികൻ ഗായൻ ഒസുനയുമാണ് അർഹാബോയുമായി ആരാധകർക്ക് മുന്നിലെത്തുന്നത്. ഫിഫ ഔദ്യോഗിക യൂടൂബ് ചാനൽ വഴിയാണ് ‘അർഹബോ’ റിലീസ് ചെയ്തത്.
ആദ്യമായി ഒന്നിലേറെ ഔദ്യോഗിക ഗാനങ്ങൾ പുറത്തിറക്കുന്നു എന്ന പ്രത്യേകതയും ഇത്തവണ ലോകകപ്പിനുണ്ട്. ലോകകപ്പ് വേദിയായ ലുസൈൽ സ്റ്റേഡിയവും 974 സ്റ്റേഡിയവും ദോഹ നഗരവുമെല്ലാം വീഡിയോയിൽ മിന്നിമറയുന്നുണ്ട്. ഖത്തർ ലോകകപ്പിന്‍റെ ആദ്യ തീം സോങ്ങായ ഹയാ ഹായ വലിയ ശ്രദ്ധ പിടിച്ചു പറ്റിയിരുന്നു.
