ഖത്തർ: ഖത്തർ ലോകകപ്പ് ഫൈനലിൽ ഇന്ന് അർജന്റീനയും ഫ്രാൻസും തമ്മിൽ ഏറ്റുമുട്ടുകയാണ്. കളിക്കളത്തിൽ ഇരു ടീമുകളും പരസ്പരം കൊമ്പുകോർക്കുമ്പോൾ ആരാധകർ കളത്തിന് പുറത്ത് ആഘോഷ തിമിർപ്പിലാണ്. മറ്റ് അന്താരാഷ്ട്ര ടൂർണമെന്റുകൾ പോലെയല്ല ലോകകപ്പ് ഫുട്ബോൾ, അവിടെ മുൻകാല കണക്കുകൾക്ക് സ്ഥാനമില്ല.
ഏത് ടീമിനും ആരെയും തോൽപ്പിക്കാം, ആരും ആരോട് വേണമെങ്കിലും തോൽക്കാം. ലോകകപ്പിലും അതിനും പുറത്തും ഫ്രാൻസും അർജന്റീനയും പലതവണ ഏറ്റുമുട്ടിയിട്ടുണ്ട്. എന്നാൽ അതിന് ഇന്ന് എത്രത്തോളം പ്രാധാന്യമുണ്ടെന്ന് നമുക്ക് പറയാൻ കഴിയില്ല. എങ്കിലും ഫൈനലിന് മണിക്കൂറുകൾ മാത്രം ശേഷിക്കെ ഇരു ടീമുകളുടെയും സ്ക്വാഡും മറ്റ് കണക്കുകളും പരിശോധിക്കാം. ഇരുടീമുകളും തമ്മിൽ ഇതുവരെ 12 തവണയാണ് ഏറ്റുമുട്ടിയത്. അതിൽ അർജന്റീനയ്ക്കാണ് മുൻതൂക്കം. ആറ് ജയങ്ങളാണ് അവരുടെ പേരിലുള്ളത്. മൂന്ന് മത്സരങ്ങൾ ഫ്രാൻസ് ജയിച്ചപ്പോൾ മൂന്നെണ്ണം സമനിലയിൽ അവസാനിച്ചു.
ഫ്രാൻസ് സ്ക്വാഡ്:
ഗോൾകീപ്പർമാർ: അൽഫോൻസോ അറില്ലോ, ഹ്യൂഗോ ലോറിസ്, സ്റ്റീവ് മണ്ടാഡ.
ഡിഫൻഡർമാർ: ലൂക്കാസ് ഹെർണാണ്ടസ്, തിയോ ഹെർണാണ്ടസ്, ഇബ്രാഹിം കൊണേറ്റ്, ജൂൾസ് കോണ്ടെ, ബെഞ്ചമിൻ പവാർഡ്, വില്യം സലിബ, ദയോത് ഉപമേകാനോ, റാഫേൽ വരാനെ.
മിഡ്ഫീൽഡർമാർ: എഡ്വേർഡോ കാമവിംഗ, യൂസഫ് ഫൊഫാന, മറ്റെയോ ഗുണ്ടൗജി, അഡ്രിയാൻ റാബിയോട്ട്, ഔറേലിയൻ ചൗമെനി, ജോർദാൻ വെറെറ്റൗട്ട്.
ഫോർവേഡുകൾ: കരിം ബെൻസെമ, കിംഗ്സ്ലി കോമെൻ, ഔസ്മാൻ ഡെംബെലെ, ഒലിവിയർ ജിറൂഡ്, അന്റോയിൻ ഗ്രീസ്മാൻ, കൈലിയൻ എംബാപ്പെ, മാർക്കസ് തുറാം, റാൻഡിൽ കോലോ മുവാനി
അർജന്റീന സ്ക്വാഡ്:
ഗോൾകീപ്പർമാർ: എമിലിയാനോ മാർട്ടിനെസ്, ജെറോണിമോ റുല്ലി, ഫ്രാങ്കോ അർമാനി.
ഡിഫൻഡർമാർ: നഹുവൽ മോളിന, ഗോൺസാലോ മോണ്ടിയേൽ, ക്രിസ്റ്റ്യൻ റൊമേറോ, ജർമ്മൻ പെസെല്ല, നിക്കോളാസ് ഒട്ടമെൻഡി, ലിസാൻഡ്രോ മാർട്ടിനെസ്, മാർക്കോസ് അക്യൂന, നിക്കോളാസ് ടാഗ്ലിയാഫിക്കോ, ജുവാൻ ഫോയ്ത്ത്.
മിഡ്ഫീൽഡർമാർ: റോഡ്രിഗോ ഡി പോൾ, ലിയാൻഡ്രോ പരേഡസ്, അലക്സിസ് മക്അലിസ്റ്റർ, ഗൈഡോ റോഡ്രിഗസ്, അലജാൻഡ്രോ ഗോമസ്, എൻസോ ഫെർണാണ്ടസ്, എക്സിക്വയൽ പാലാസിയോസ്.
ഫോർവേഡുകൾ: ലയണൽ മെസ്സി, എയ്ഞ്ചൽ ഡി മരിയ, ലൗട്ടാരോ മാർട്ടിനെസ്, ജൂലിയൻ അൽവാരസ്, നിക്കോളാസ് ഗോൺസാലസ്, ജോക്വിൻ കൊറിയ, പൗലോ ഡിബാല.
