പത്തനംതിട്ട : പത്തനംതിട്ടയുടെ സ്വന്തം കെ.കെ.നായരുടെ ഓർമ്മകളെ അനുസ്മരിച്ചുകൊണ്ട് സിനിമ പ്രേക്ഷക കൂട്ടായ്മ കെ.കെ നായർ ഫൗണ്ടേഷനുമായി ചേർന്ന് ഡോക്യുമെന്ററി നിർമ്മിക്കുന്നു. ‘ദി ലെജന്റ് ഓഫ് പത്തനംതിട്ട’ എന്നാണ് ഡോക്യുമെന്ററിയുടെ പേര്.
ജില്ല രൂപീകരണ ദിനമായ നവംബർ ഒന്നിന് ചൊവ്വാഴ്ച രാവിലെ ഒൻപതിന് പത്തനംതിട്ട വെട്ടിപ്രം കരിമ്പനയ്ക്കൽ ദേവി ക്ഷേത്രത്തിൽ മേൽശാന്തി രാധാകൃഷ്ണൻ നമ്പ്യാതിരി കെ.യുടെ സാന്നിദ്ധ്യത്തില് ഡോക്യൂമെന്ററിയുടെ പൂജ നടക്കും. തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ. കെ. അനന്തഗോപൻ ചടങ്ങിൽ മുഖ്യാതിഥി ആയിരിക്കും. സാമൂഹ്യ, സാംസ്കാരിക , രാഷ്ട്രീയ, മത, കായിക, സിനിമരംഗത്തെ പ്രമുഖരും, ജനപ്രതിനിധികളും ചടങ്ങിൽ പങ്കെടുക്കും.
