ചെന്നൈ : ചലച്ചിത്ര നിരൂപകനും എന്റര്ടെയ്മെന്റ് ട്രാക്കറുമായ കൗശിക് എല് എം (35) അന്തരിച്ചു. ഉറങ്ങുമ്പോഴുള്ള ഹൃദയാഘാതമാണ് മരണകാരണമെന്ന് ദേശീയ മാധ്യമങ്ങള് റിപ്പോര്ട്ട് ചെയ്തു. ഗലാട്ട ചാനലിന്റെ അവതാരകനായി പ്രവര്ത്തിച്ച കൗശിക് സോഷ്യല് മീഡിയയില് സജീവമാകുകയും സിനിമാതാരങ്ങള്ക്കിടയില് ശ്രദ്ധ നേടുകയും ചെയ്തു. സിനിമാ മേഖലയില് നിന്നുള്ള നിരവധി പേര് അദ്ദേഹത്തിന് ആദരാഞ്ജലികള് അര്പ്പിച്ചു. ശരിക്കും ഹൃദയഭേദകം എന്നാണ് ദുല്ഖര് സല്മാന് ട്വീറ്റ് ചെയ്തത്. ഇത് സത്യമാകരുതെന്ന് ആഗ്രഹിക്കുന്നു. അദ്ദേഹത്തിന്റെ കുടുംബം ഏത് അവസ്ഥയിലൂടെയാണ് കടന്നുപോകുന്നതെന്ന് ചിന്തിക്കാനാവുന്നില്ലെന്നും ദുല്ഖര് എഴുതി.
