വെച്ചൂച്ചിറ: ഒടുവില് അപകടകരമായ നിലയില് നിന്ന മുളകള് മൂടോടെ വെട്ടി നീക്കി അധികൃതര്. പെരുന്തേനരുവി ടൂറിസം കേന്ദ്രത്തിലെ മുളകള് ആണ് വെട്ടി നീക്കിയത്. മുളകള് വൈദ്യുതി ലൈനില് മുട്ടിയിട്ടും അത് മാറ്റാന് ആരും തയ്യാറാകാത്തത് ചൂണ്ടിക്കാട്ടി വാര്ത്ത ആയതോടെയാണ് അധികൃതര് നടപടിയുമായി രംഗത്ത് വന്നത്. കൊച്ചു കുട്ടികളടക്കം ധാരാളം സഞ്ചാരികള് എത്തുന്ന ഇടത്താണ് അപകടകരമായ നിലയില് മുളകള് നിന്നിരുന്നത്.
മഴയില് വൈദ്യുതി ലൈനില് മുട്ടി നില്ക്കുന്ന മുളയില് നിന്നും വൈദ്യുതാഘാതം ഏല്ക്കാന് സാധ്യതയേറെയായിരുന്നു. കുട്ടികള്ക്കായി നിര്മ്മിച്ച പാര്ക്കിനോടു ചേര്ന്നാണ് മുള നിന്നിരുന്നതെന്നത് സഞ്ചാരികളെ ആശങ്കപ്പെടുത്തിയിരുന്നു. ഇത് വൈദ്യുതി ലൈനുകള് കടന്നും വളര്ന്നതോടെയാണ് പരാതി ആയത്. ഇത് വെട്ടി നീക്കിയതോടെ വലിയ അപകട ഭീഷണി ആണ് ഒഴിവായത്.
