തിരുവനന്തപുരം : കെ.എസ്.ആര്.ടി.സിയുടെ നവീകരണത്തിനൊപ്പം കെടിഡിഎഫ്സി (കേരളാ ട്രാന്സ്പോര്ട്ട് ഡവലപ്മെന്റ് ഫിനാന്ഷ്യല് കോര്പറേഷന്) അടച്ച് പൂട്ടും. മുന് എംഡി അജിത് കുമാറിന്റെയും ജ്യോതിലാല് ഐഎഎസിന്റെയും കത്ത് പുറത്തായി. 925 കോടിയാണ് കെടിഡിഎഫ്സിയിലെ സ്വകാര്യ നിക്ഷേപം. എന്നാല് ഇപ്പോള് പൊതുമേഖലാ സ്ഥാപനത്തിന്റെ കെെയില് ഉള്ളത് 353 കോടി മാത്രമാണ്.
കെഎസ്ആര്ടിസി നല്കാമെന്ന് അറിയിച്ച 356.65 കോടി രൂപ കൂടി വാങ്ങിയാല് കടബാധ്യത തീര്ക്കാമെന്നും കത്തില് നിര്ദേശം. വന് പലിശ വാഗ്ദാനം ചെയ്താണ് കെടിഡിഎഫ്സി നിക്ഷേപം സ്വീകരിച്ചത്. കെഎസ്ആര്ടിസിയുടെ ഏറ്റവും വലിയ ധനദാതാവാണ് കെടിഡിഎഫ്സി. സ്ഥാപനത്തിലെ ജീവനക്കാരെ മറ്റ് വകുപ്പിലേക്ക് മാറ്റുമെന്നും വിവരം. സ്ഥാപനം അടക്കുന്നതിന് സംസ്ഥാന സര്ക്കാര് അനുകൂല തീരുമാനം എടുക്കുമെന്നും റിപ്പോര്ട്ട്. നാല് ഷോപ്പിംഗ് കോംപ്ലക്സുകള് സ്ഥാപനത്തിന്റെതായുണ്ട്.
