ബാങ്കോക് : തായ്ലന്ഡിലെ നിശാക്ലബില് തീപിടിച്ച് 13 പേര് വെന്തുമരിച്ചു. ബാങ്കോകിന്റെ തെക്കുകിഴക്കുള്ള ചോന്ബുരി പ്രവിശ്യയിലെ ഒരു നിശാക്ലബില് പാര്ടിക്കിടയിലാണ് തീപിടിത്തമുണ്ടായത്. വെള്ളിയാഴ്ചയുണ്ടായ തീപിടിത്തത്തില് 35 പേര്ക്ക് പരുക്കേല്ക്കുകയും ചെയ്തതായി പൊലീസ് ഉദ്യോഗസ്ഥര് പറഞ്ഞു. സത്താഹിപ് ജില്ലയിലെ മൗന്ഡന് ബി നിശാക്ലബിലാണ് സംഭവം. പുലര്ചെ
1:00 മണിയോടെയാണ് തീപിടുത്തമുണ്ടായതെന്ന് പോലീസ് പറഞ്ഞു. മരിച്ചവരെല്ലാം തായ് പൗരന്മാരാണെന്നും പരുക്കേറ്റവരില് ചിലരുടെ നില ഗുരുതരമാണെന്നും പോലീസ് കേണല് വുടിപോങ് സോംജയ് പറഞ്ഞു. അപകടത്തിന്റെ കാരണം വ്യക്തമല്ല. പോലീസ് അന്വേഷണം ആരംഭിച്ചു.
