മലപ്പുറം : കൊണ്ടോട്ടി അരീക്കോട് റോഡിലെ ഒരു കെട്ടിടത്തിൽ വൻ തീപിടുത്തം. പുലർച്ചയോടെയാണ് അപകടം ഉണ്ടായത്. ബേക്കറി ഷോപ്പ് പ്രവർത്തിക്കുന്ന കെട്ടിടത്തിനാണ് തീപിടിച്ചത്. കെട്ടിടത്തിന്റെ മുകളിലെ നിലകളിൽ താമസക്കാരുണ്ടെന്ന വിവരത്തെത്തുടർന്ന് വലിയ ആശങ്കയാണ് നിലനിൽക്കുന്നത്. ആരെങ്കിലും കെട്ടിടത്തിനുള്ളിൽ കുടുങ്ങിക്കിടക്കുന്നുണ്ടോ എന്ന് വ്യക്തമല്ലെങ്കിലും, അഗ്നിശമനസേന എല്ലാ സാധ്യതകളും പരിശോധിച്ചുവരികയാണ്. തീപിടുത്തം ശ്രദ്ധയിൽപ്പെട്ട ഉടനെ നാട്ടുകാർ ചേർന്ന് പ്രാഥമികമായ രക്ഷാപ്രവർത്തനം ആരംഭിച്ചിരുന്നു. തുടർന്ന് അഗ്നിശമനസേന സ്ഥലത്തെത്തി തീ അണയ്ക്കാനുള്ള ശ്രമങ്ങൾ ഊർജ്ജിതമാക്കി. മലപ്പുറം, മഞ്ചേരി എന്നിവിടങ്ങളിൽ നിന്നുള്ള യൂണിറ്റുകളും കരിപ്പൂർ വിമാനത്താവളത്തിൽ നിന്നുള്ള പ്രത്യേക ഫയർഫോഴ്സ് യൂണിറ്റും സ്ഥലത്തെത്തിയിട്ടുണ്ട്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
