പത്തനംതിട്ട : ശിവരാത്രി ദിനത്തില് പത്തനംതിട്ട ചുട്ടിപ്പാറ ക്ഷേത്രത്തിന് സമീപം തീ പിടുത്തം. സമീപത്തെ പുല്ലുകള്ക്കാണ് തീ പടര്ന്നു പിടിച്ചത്. രാത്രി 7.50 ഓടെ ആയിരുന്നു സംഭവം. ക്ഷേത്രത്തന് സമീപം ഉണ്ടായിരുന്ന ഉണങ്ങിയ പുല്ലുകളില് പടര്ന്ന തീ സമീപത്തേക്ക് വ്യാപിക്കുകയായിരുന്നു. പാറയ്ക്ക് മുകളില് വലിയ തോതില് ഉണ്ടായിരുന്ന ഉണങ്ങിയ പുല്ലുകള്ക്കാണ് തീ പിടിച്ചതെന്ന് പത്തനംതിട്ട അഗ്നി രക്ഷാസേന അറിയിച്ചു. വാഹനം കടന്നു ചെല്ലാന് സാധിക്കാതെ വന്നതോടെ 8 പേരടങ്ങുന്ന അഗ്നിരക്ഷ സേനാംഗങ്ങള് പാറയ്ക്ക് മുകളില് കയറി തീ അടിച്ചു കെടുത്തുകയായിരുന്നു.
ഏകദേശം മൂന്ന് മണിക്കൂര് നീണ്ട പരിശ്രമത്തിനൊടുവില് 9.50 ഓടെയാണ് തീ പൂര്ണ്ണമായി അണയ്ക്കുവാന് കഴിഞ്ഞതെന്ന് ഇവര് അറിയിച്ചു. 2024 ലും ചുട്ടിപ്പാറയില് സമാനമായ രീതിയില് തീ പടര്ന്നു പിടിച്ചിരുന്നു. ക്ഷേത്രത്തിന് സമീപം ആളുകള് ഉണ്ടായിരുന്നുവെങ്കിലും ഈ ഭാഗത്തേക്ക് തീ വ്യാപിക്കാതിരുന്നതിനാല് അനിഷ്ടസംഭവങ്ങള് ഒഴിവാകുകയായിരുന്നു.
