പത്തനംതിട്ട: മണ്ണാറക്കുളഞ്ഞിയില് വിറക് കയറ്റി വന്ന ലോറിയിക്ക് തീ പിടിച്ചു. നാട്ടുകാരുടെയും ഫയര് ഫോഴ്സിന്റെയും സമയോചിതമായ ഇടപെടല് കൊണ്ടാണ് തീ അണയ്ക്കുവാന് കഴിഞ്ഞത്. കൊല്ലത്ത് നിന്നും വിറകും തടിയുടെ പോളയും കയറ്റി പാലായിലേക്ക് പോകുന്ന വഴിയാണ് ലോറിയില് തീ പിടിച്ചത്. ഇന്നലെ വൈകിട്ട് 6 മണിയോടെയാണ് സംഭവം നടന്നത്. ഗ്ലൗസ് നിര്മ്മാണത്തിന്റെ ഭാഗമായി ഫാക്ടറിയിലേക്ക് കൊണ്ടുപോയ ചെറിയ തടി കഷ്ണങ്ങളും തടിയുടെ പോളകളും നിറഞ്ഞ ലോറിയില് നിന്നും എഞ്ചിന് ഭാഗത്തേക്ക് തടി ചീളുകള് വീണതാണ് തീ പിടുത്തത്തിന് കാരണമായത്. ലോറിയുടെ പുറകെ വന്ന കാര് യാത്രികന് എഞ്ചിന് ഭാഗത്ത് നിന്നും വലിയ തോതില് പുക ഉയരുന്നത് കാണുകയും വിവരം ലോറി ഡ്രൈവറെ അറിയിക്കുകയും ചെയ്തതിനാല് വലിയ ദുരന്തം ഒഴിവാകുകയായിരുന്നു. തുടര്ന്ന് പത്തനംതിട്ടയില് നിന്നും ഫയര് ഫോഴ്സ് സ്ഥലത്തെത്തുകയും നാട്ടുകാരും ഫയര് ഫോഴ്സും ചേര്ന്ന് തീ അണയ്ക്കുകയും ചെയ്തു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
