ആലുവ : സര്വീസ് വയറില് കുടുങ്ങിയ പ്രാവിന് അഗ്നിരക്ഷാസേന രക്ഷകരായി. ആലുവ മാര്ക്കറ്റില് ഞായറാഴ്ച്ച രാവിലെ പത്തുമണിയോടെയാണ് ഇലക്ട്രിക് പോസ്റ്റില് നിന്നുള്ള സര്വീസ് വയറില് പ്രാവ് കുടുങ്ങിയത്. ഉടനെ സമീപത്ത വ്യാപാരിയായ ഹക്കിം ആലുവ അഗ്നിരക്ഷാസേനയെ വിവരമറിയിച്ചു. അവരെത്തി പ്രാവിനെ രക്ഷപ്പെടുത്തുകയായിരുന്നു. പ്രാവിന്റെ ഒരു കാലില് പരുക്ക് പറ്റിയിരുന്നു. ഇതേ തുടര്ന്ന് മാര്ക്കറ്റില് സാധനങ്ങള് വാങ്ങാനെത്തിയ മെഡിക്കല് കോളേജ് വെള്ളിനപറമ്പില് സീന പ്രാവിനെ പരിപാലിക്കാനായി ഏറ്റെടുത്തു. സീന പ്രാവുകളെ വളര്ത്തുന്നുണ്ട്.
