ആലപ്പുഴ : ഇലക്ട്രിക് ഷോര്ട്ട് സര്ക്യൂട്ട് വീടിന് തീപിടിച്ചു. സിസിടിവിയുടെ മോണിറ്ററില് നിന്നുണ്ടായ ഇലക്ട്രിക് ഷോര്ട്ട് സര്ക്യൂട്ടിനെ തുടര്ന്നു വീടിന് തീ പിടിച്ചു. ആറ് ലക്ഷത്തിലേറെ രൂപയുടെ നാശനഷ്ടം. ഇന്നലെ പുലര്ച്ചെ 3.30 ന് കാളാത്ത് പള്ളിയുടെ എതിര്വശം കൊറ്റംകുളങ്ങര വെളുത്തേടത്ത് കയര് വ്യാപാരിയായ പി.എ ജോസഫിന്റെ (72) വീടിന് ആണ് തീ പിടിച്ചത്. സിസിടിവിയുടെ മോണിറ്റര് സ്ഥാപിച്ച മുറിയിലാണ് വലിയശബ്ദത്തോടെ തീ പിടിച്ചത്. ഫാന്, അലമാര, കസേരകള്, കട്ടിലുകള്, വസ്ത്രങ്ങള്, വയറിങ് തുടങ്ങിയവ കത്തി നശിച്ചു. സമീപത്തെ മുറിയില് സൂക്ഷിച്ചിരുന്ന കയര് ഭൂവസ്ത്രം, കംപ്യൂട്ടറുകള് തുടങ്ങിയവയും അഗ്നിക്കിരയായി. അയല്വാസിയായ പോലീസിനെയും അഗ്നിരക്ഷാ സേനയെയും അറിയിച്ചതിനെ തുടര്ന്ന്. ആലപ്പുഴയിലെ ഫയര് യൂണിറ്റ് എത്തിയാണ് തീ അണച്ചത്. കംപ്യൂട്ടര് റൂമില് നിന്നുള്ള ഷോര്ട്ട് സര്ക്യൂട്ട് ആണ് തീ പിടിത്തത്തിന് കാരണമെന്ന് കരുതുന്നതായി പോലീസ് പറഞ്ഞു.
