34.1 C
Pathanāmthitta
Thursday, January 27, 2022 1:37 pm
- Advertisment -

പുനലൂര്‍ നഗരസഭാപ്രദേശത്ത് വീണ്ടും തീപിടുത്തം

പുനലൂര്‍ : നഗരസഭാപ്രദേശത്തു വീണ്ടും തീപിടുത്തം. വാളക്കോട്ട്, സന്തോഷ് കുഞ്ഞുമോന്റെ ഉടമസ്ഥതയിലുള്ള ഒന്നര ഏക്കറോളം തുറസ്സായ സ്ഥലത്തെ കുറ്റിക്കാടിനാണ് തീപിടിച്ചത്. തിങ്കളാഴ്ച ഉച്ചയ്ക്ക് ഒന്നേകാലോടെയായിരുന്നു സംഭവം. പുനലൂരില്‍നിന്ന്‌ എത്തിയ അഗ്നിരക്ഷാസേന ഏറെ പണിപ്പെട്ട് തീക്കെടുത്തി. ഇതിലൂടെ പരിസരങ്ങളിലെ വീടുകളിലേക്ക്‌ തീപടരുന്നത് തടയാനായി. ഗ്രേഡ് അസിസ്റ്റന്റ് സ്റ്റേഷന്‍ ഓഫീസര്‍ എ.സാബുവിന്റെ നേതൃത്വത്തിലാണ്‌ തീക്കെടുത്തിയത്.

കൂട്ടിയിട്ടു കത്തിച്ച ചപ്പുചവറുകളില്‍നിന്ന്‌ തീ പടര്‍ന്നതാകാമെന്നാണ് നിഗമനം. കഴിഞ്ഞദിവസം നഗരസഭയുടെ പടിഞ്ഞാറന്‍ മേഖലയായ പത്തേക്കറിലും അഗ്നിബാധയുണ്ടായിരുന്നു. ഇവിടെയും കുറ്റിക്കാട്ടിലാണ് തീപടര്‍ന്നത്. അഗ്നിരക്ഷാസേനയെത്തിയാണ് തീകെടുത്തിയത്.

- Advertisment -
Advertisment
Advertisment
- Advertisment -
- Advertisment -

Most Popular