കോഴഞ്ചേരി : മെഴുവേലി ബാപ്പുജി സ്മാരക ഗ്രന്ഥശാലയ്ക്ക് ജില്ലാ പഞ്ചായത്ത് വാർഷിക പദ്ധതിയിൽപെടുത്തി അനുവദിച്ച് നിർമിച്ച ഒന്നാംനിലയുടെ ഉദ്ഘാടനവും താലൂക്ക് ലൈബ്രറി കൗൺസിൽ മുൻ സെക്രട്ടറി രാജു സഖറിയയുടെ ഒന്നാമത് അനുസ്മരണവും ജില്ലാ പഞ്ചായത്ത് പ്രസിഡന്റ് ജോർജ് എബ്രഹാം ഉദ്ഘാടനംചെയ്തു. ജില്ലാ പഞ്ചായത്ത് ആരോഗ്യ, വിദ്യാഭ്യാസ സ്ഥിരംസമിതി അധ്യക്ഷൻ ആർ.അജയകുമാർ അധ്യക്ഷത വഹിച്ചു.
മുൻ എംഎൽഎ കെ.സി.രാജഗോപാലൻ മുഖ്യപ്രഭാഷണം നടത്തി. ലൈബ്രറി കൗൺസിൽ സംസ്ഥാന കമ്മിറ്റിയംഗം പ്രൊഫ.ടി.കെ.ജി. നായർ, രാജു സഖറിയ അനുസ്മരണ പ്രഭാഷണം നടത്തി. ലൈബ്രറി കൗൺസിൽ ജില്ലാ സെക്രട്ടറി പി.ജി.ആനന്ദൻ, ബ്ലോക്ക് പഞ്ചായത്ത് പ്രസിഡന്റ് ബി.എസ്.അനീഷ് മോൻ, ടി.വി.സ്റ്റാലിൻ, രജനി ബിജു, പി.സി.ചാക്കോ, പി.എം.ജേക്കബ്, ഷാജി കാലായിൽ, മിജിത് ചന്ദ്രൻ തുടങ്ങിയവർ പ്രസംഗിച്ചു.
