മീന്‍ പിടിക്കുന്നതിനിടയില്‍ ബോട്ടില്‍ നിന്ന് വീണ് തൊഴിലാളിയെ കാണാതായി

കൊല്ലം :  മീന്‍ പിടിക്കുന്നതിനിടയില്‍ ബോട്ടില്‍ നിന്ന് വീണ് തൊഴിലാളിയെ കാണാതായി. കുരീപ്പുഴ, ഇരക്കട്ട സ്വദേശി ഓമനക്കുട്ടനെ (47) ആണ് ബുധനാഴ്ച രാത്രിയോടെ കാണാതായത്. തോപ്പില്‍കടവ് ഭാഗത്തു നിന്ന് മീന്‍ പിടിക്കാന്‍ പോയ മേശന്റെ ഉടമസ്ഥതയിലുള്ള എഡി ആര്‍ എന്ന ബോട്ടില്‍ നിന്നാണ് ഓമനക്കുട്ടന്‍ വീണത്. ബോട്ടില്‍ പത്ത് തൊഴിലാളികള്‍ കൂടി ഉണ്ടായിരുന്നു. ഓമനക്കുട്ടന് വേണ്ടിയുള്ള തെരച്ചില്‍ തുടരുകയാണ്.