കൊച്ചി : വ്യായാമം ചെയ്യുന്നതിനിടെ ഫ്ലാറ്റിന് മുകളിൽ നിന്ന് താഴേക്ക് വീണ് പെൺകുട്ടി മരിച്ചു. എറണാകുളം ചിറ്റൂർ റോഡിലെ ഫ്ലാറ്റിൽ താമസിക്കുന്ന പ്ലസ് ടൂ വിദ്യാർഥിനി ഐറിൻ ജോയ് (18) ആണ് മരിച്ചത്. സഹോദരന് ഒപ്പം ഫ്ലാറ്റിന് മുകളിൽ വ്യായാമം ചെയ്യുന്നതിനിടെയാണ് അപകടമുണ്ടായത്. ടെറസിൽ നിന്ന് മൂന്നാം നിലയിലെ ഒരു ഷീറ്റിലേക്ക് വീഴുകയും അവിടെ നിന്ന് താഴേക്ക് പതിക്കുകയുമായിരുന്നു.
ചിറ്റൂർ റോഡിലെ ശാന്തി തോട്ടക്കാട് എസ്റ്റേറ്റ് ഫ്ലാറ്റിനു മുകളിൽനിന്ന് വീണാണ് അപകടമുണ്ടായത്. ഇന്ന് രാവിലെ ഒൻപത് മണിയോടെയാണ് സംഭവം. പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. പെൺകുട്ടിയുടെ മാതാപിതാക്കൾ ചാലക്കുടി സ്വദേശികളാണ്. പെൺകുട്ടിയുടെ മൃതദേഹം എറണാകുളം ജനറൽ ആശുപത്രിയിലേക്ക് മാറ്റിയ ശേഷം തുടർനടപടികൾ സ്വീകരിക്കും.