മനിലാ: തെക്കന് ഫിലിപ്പീന്സില് 92 പേരുമായി പോവുകയായിരുന്ന സൈനിക വിമാനം തകര്ന്നുവീണു. 40 പേരെ രക്ഷപെടുത്തിയതായി സൈനിക മേധാവി പറഞ്ഞു.
ഫിലിപ്പീന്സ് എയര്ഫോഴ്സിന്റെ സി-130 എന്ന വിമാനമാണ് തകര്ന്നു വീണത്. ജോളോ ദ്വീപില് ലാന്ഡ് ചെയ്യാന് ശ്രമിക്കുന്നതിനിടെയായിരുന്നു അപകടം. രക്ഷാപ്രവര്ത്തനങ്ങള് തുടരുകയാണെന്ന് വ്യോമസേന പുറത്തിറക്കിയ പ്രസ്താവനയില് പറയുന്നു. 92 പേര് വിമാനത്തില് ഉണ്ടായിരുന്നതായി പ്രതിരോധ മന്ത്രി ഡെല്ഡഫിന് ലോറെന്സാന അറിയിച്ചു. ഇതില് മൂന്നു പൈലറ്റുമാരും അഞ്ച് ക്രൂ അംഗങ്ങളും ഉള്പ്പെടുന്നു.
