ഡല്ഹി : കൊവിഡ് നിയന്ത്രണത്തിന്റെ ഭാഗമായി ആഭ്യന്തര വിമാന സര്വ്വീസുകളില് ഇന്ന് മുതല് ഭക്ഷണ വിതരണമുണ്ടാവില്ലെന്ന് വ്യോമയാന മന്ത്രാലയം വ്യക്തമാക്കി. ജനിതകമാറ്റം വന്ന കൊവിഡ് വൈറസ് വിമാനയാത്രക്കാരിലൂടെ പടരുന്നുവെന്ന് പരാതികള് വ്യാപകമായതാണ് ഇത്തരമൊരു തീരുമാനത്തിലേക്ക് എത്തിയത്.
യുകെ , ദക്ഷിണാഫ്രിക്ക, ബ്രസീല് വേരിയന്റുകളാണ് കൊവിഡ് മഹാമാരി രൂക്ഷമാക്കുന്നത്. വിമാനത്തിനുള്ളില് വെച്ച് മാസ്ക് മുഖത്ത് നിന്ന് മാറ്റേണ്ട സാഹചര്യം ഒഴിവാക്കാന് ഈ തീരുമാനം സഹായിക്കും. ലോക്ക്ഡൗണിന് ശേഷം ആഭ്യന്തര വിമാനസര്വ്വീസുകള് പുനരാരംഭിച്ചപ്പോള് നിയന്ത്രണങ്ങളോടെ ഭക്ഷണം നല്കാന് എയര്ലൈനുകള്ക്ക് അനുമതി നല്കിയിരുന്നു. ഈ അനുമതിയ്ക്കാണ് മാറ്റം വരുത്തിയിരിക്കുന്നത്.
