തിരുവനന്തപുരം : ശ്രീകാര്യത്തിന് സമീപത്തെ ഹോട്ടലില് നിന്ന് ഭക്ഷണം കഴിച്ച ഏഴുപേരെ ഭക്ഷ്യവിഷബാധയെത്തുടര്ന്ന് മെഡിക്കല് കോളേജ് ആശുപത്രിയില് പ്രവേശിപ്പിച്ചു. ആരുടെയും നില ഗുരുതരമല്ല. ഇക്കഴിഞ്ഞ 18ന് രാത്രിയായിരുന്നു സംഭവം. ഒരുകുടുംബത്തിലെ അംഗങ്ങള്ക്കാണ് ഭക്ഷ്യവിഷബാധയേറ്റത്. മെഡിക്കല് കോളേജിലെ ചികിത്സയ്ക്കുശേഷം ഇവരെ ഇന്നലെ പാങ്ങപ്പാറ കുടുംബാരോഗ്യ കേന്ദ്രത്തിലേക്ക് മാറ്റി. മൂന്നുപേര് ഒഴികെ മറ്റുള്ളവര് ആശുപത്രി വിട്ടു. സംഭവത്തെ തുടര്ന്ന് ഇന്നലെ വൈകിട്ടോടെ ആരോഗ്യവകുപ്പ് ഉദ്യോഗസ്ഥരെത്തി പരിശോധന നടത്തി ഹോട്ടല് പൂട്ടി സീല് ചെയ്തു.
18ന് രാത്രി പോങ്ങുംമൂട് സ്വദേശിയായ ഗൃഹനാഥന് ശ്രീകാര്യം ജംഗ്ഷനില് മുസ്ലിം പള്ളിക്ക് സമീപം പ്രവര്ത്തിക്കുന്ന ഹോട്ടലില് നിന്ന് വാങ്ങിയ ഭക്ഷണം കഴിച്ചാണ് കുടുംബാംഗങ്ങള് ആശുപത്രിയിലായത്. ഛര്ദ്ദിയും തലകറക്കവും വയറിളക്കവും അസ്വസ്ഥതയും അനുഭവപ്പെട്ടതിനെ തുടര്ന്നാണ് ഇവര് മെഡിക്കല് കോളേജ് ആശുപത്രിയില് ചികിത്സതേടിയത്.
