ശ്രീനഗര് : കാശ്മീരില് നടന്ന ഏറ്റുമുട്ടലില് ഹിസ്ബുള് മുജാഹിദീന്റെ ഉന്നത കമാന്ഡറെ വധിച്ച് സുരക്ഷാ സേന. ബുധനാഴ്ച പുലര്ച്ചെ കുപ്വാര ജില്ലയിലെ ഹന്ദ്വാരയിലാണ് ഏറ്റുമുട്ടല് നടന്നത്. ഹിസ്ബുള് മുജാഹിദീന്റെ ഏറ്റവും മുതിര്ന്ന കമാന്ഡര്മാരില് ഒരാളായ മെഹ്റാസുദ്ദീന് ഹല്വായ് എന്ന ഉബൈദ് ആണ് കൊല്ലപ്പെട്ടത്. നിരവധി ഭീകര പ്രവര്ത്തനങ്ങളില് പങ്കാളിയായ ഭീകരനാണ് കൊല്ലപ്പെട്ടത്. ഇതൊരു വലിയ വിജയമാണെന്ന് കാഷ്മീര് ഐജിപി ട്വീറ്റ് ചെയ്തു.
