ചെങ്ങന്നൂർ : മംഗലം കല്ലിശ്ശേരി – ഓതറ റോഡിൽ കുറ്റിക്കാട്ട്പടി ജംഗ്ഷനിൽ ഹോണ്ട ആക്ടീവ സ്കൂട്ടറിൽ വില്പനക്കായി കടത്തിക്കൊണ്ടു വന്ന വിദേശമദ്യം പിടികൂടി. ഉമയാറ്റുകര പാറയിൽ പുരയിൽ വീട്ടിൽ വിജേഷിനെയാണ് കഴിഞ്ഞ രാത്രിയിൽ 5 ലിറ്റർ ഇന്ത്യൻ നിർമ്മിത വിദേശ മദ്യവുമായി പിടികൂടിയത്. രഹസ്യ വിവരം ലഭിച്ചതിനെ തുടര്ന്ന് ചെങ്ങന്നൂർ എക്സൈസ് ഓഫീസിലെ പ്രിവന്റീവ് ഓഫീസർ ബി.സുനിൽ കുമാറിന്റെ നേതൃത്വത്തിലുള്ള സംഘമാണ് തൊണ്ടിമുതലടക്കം പിടികൂടി കേസെടുത്തത്. ഇയാളുടെ ഹോണ്ട ആക്ടീവ സ്കൂട്ടറും കസ്റ്റഡിയിൽ എടുത്തു. സംഘത്തിൽ സി.ഇ.ഒ മാരായ പി.ആർ ബിനോയി, സി.കെ അനീഷ് കുമാർ എന്നിവരും പങ്കെടുത്തു.
