തിരുവനന്തപുരം : ലോക്ക്ഡൗണിനു സമാനമായ ഞായര് നിയന്ത്രണങ്ങളുള്ള നാളെയും 30നും വിവാഹത്തിനും മരണാനന്തര ചടങ്ങുകള്ക്കും 20 പേര് മാത്രമേ പങ്കെടുക്കാവൂ എന്ന് ഉത്തരവ്. പഴം, പച്ചക്കറി, പലവ്യഞ്ജനം, പാല്, മീന്, ഇറച്ചി തുടങ്ങിയ കടകള് രാവിലെ 7 മുതല് രാത്രി 9 വരെ പ്രവര്ത്തിക്കും. മാധ്യമ സ്ഥാപനങ്ങള്, മെഡിക്കല് സ്റ്റോറുകള്, ആംബുലന്സുകള് എന്നീ സേവനങ്ങള്ക്കും തടസ്സമില്ല. അത്യാവശ്യ യാത്രകള് അനുവദിച്ചിട്ടുണ്ടെങ്കിലും അതു വ്യക്തമാക്കുന്ന രേഖകള് ഹാജരാക്കണം. ആശുപത്രി, വാക്സിനേഷന് എന്നിവയ്ക്കും യാത്രയാകാം. ഹോട്ടലുകളിലും ബേക്കറികളിലും ഇരുന്നു ഭക്ഷണം കഴിക്കാനാവില്ല. രാവിലെ 7 മുതല് രാത്രി 9 വരെ പാഴ്സല് മാത്രം.
നേരത്തേ നിശ്ചയിച്ച പരീക്ഷകള്ക്കു മാറ്റമില്ല. ദീര്ഘദൂര ബസ്, ട്രെയിന് സര്വീസുകള് ഉണ്ടാകും. ട്രെയിന്, വിമാന യാത്രക്കാര്ക്കു സ്വകാര്യ വാഹനം ഉപയോഗിക്കാം. അടിയന്തര സാഹചര്യത്തില് വര്ക്ഷോപ്പുകള് തുറക്കാം. മൂന്കൂട്ടി ബുക്ക് ചെയ്തതനുസരിച്ചു വിനോദസഞ്ചാര കേന്ദ്രങ്ങളിലേക്കും റിസോര്ട്ടുകളിലേക്കും ഹോട്ടലുകളിലേക്കും പോകുന്നതിനും തടസ്സമില്ല.
