പത്തനംതിട്ട : സംസ്ഥാനത്തെ മലയോര മേഖലകളിലെ കൃഷിക്കാരുടെ ജീവനും സ്വത്തിനും സംരക്ഷണം നൽകുവാൻ നിലവിലുള്ള വനം വന്യജീവി നിയമം പൊളിച്ചെഴുത്ത് നടത്തണമെന്ന് കേരള കോൺഗ്രസ് സംസ്ഥാന കോ- ഓഡിനേറ്റർ അപു ജോൺ ജോസഫ്. കർഷക താൽപര്യം മുൻനിർത്തിക്കൊണ്ട് പ്രകൃതി സന്തുലിതാവസ്ഥ നിലനിർത്തിക്കൊണ്ട് മലയോര ജനങ്ങൾക്ക് സംരക്ഷണം നൽകുന്നതാകണം പുതിയ നിയമമെന്ന് അദ്ദേഹം ആവശ്യപ്പെട്ടു. ഇക്കാര്യത്തിൽ കേന്ദ്ര-സംസ്ഥാന സർക്കാരുകൾ കാണിക്കുന്ന ഉദാസീനത മലയോര മക്കളുടെ ജീവൻ പന്താടുന്നതിന് തുല്യമാണെന്ന് അദ്ദേഹം പറഞ്ഞു.
കേരള കോൺഗ്രസ് കോന്നി നിയോജക മണ്ഡലം കമ്മിറ്റി ഓഫീസ് ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. നിയോജക മണ്ഡലം പ്രസിഡന്റ് ഉമ്മൻ മാത്യു വടക്കേടത്ത് അധ്യക്ഷത വഹിച്ചു. യുഡിഎഫ് കൺവീനർ അഡ്വ.അടൂർ പ്രകാശ് എം പി മുഖ്യപ്രഭാഷണം നടത്തി. കേരള കോൺഗ്രസ് ജില്ലാ പ്രസിഡന്റ് അഡ്വ. വർഗീസ് മാമൻ, അഡ്വ. ബാബു വർഗീസ്, ഡോ ജോർജ് വർഗീസ് കൊപ്പാറ, ജോസ് കൊന്നപ്പാറ, വർഗീസ് ചള്ളക്കൽ, തോമസുകുട്ടി കുമ്മണ്ണൂർ, റോബിൻ പീറ്റർ, സന്തോഷ് കുമാർ, രാജീവ് താമരപള്ളി, ദീപു ഉമ്മൻ, ഷൈജു ടി ജോൺ എന്നിവർ പ്രസംഗിച്ചു.
