പത്തനംതിട്ട : കോണ്ഗ്രസ് പാര്ട്ടി പുതിയതായി ആവിഷ്ക്കരിക്കുന്ന പദ്ധതിയായ യൂണിറ്റ് കമ്മിറ്റികളുടെ രൂപീകരണം മൂന്നാം ഘട്ടത്തിലേക്ക്. 20 മണ്ഡലങ്ങളിലാണ് ജനുവരി 30 ന് മുന്പ് യൂണിറ്റ് കമ്മിറ്റികള് രൂപീകരിക്കുന്നത്. 900 യൂണിറ്റ് കമ്മിറ്റികള് രൂപീകരിക്കാനാണ് പദ്ധതി. ഇതിന്റെ ഭാഗമായുള്ള ശില്പശാലകള് 15 ന് ആരംഭിക്കും ഒരു ബൂത്തില് നിന്ന് 5 പ്രതിനിധികളെ വീതം പങ്കെടുപ്പിച്ചാണ് ശില്പശാലകള് നടത്തുന്നത്. ഉദ്ഘാടനം, ആശംസാ പ്രസംഗം എന്നിവ ഒഴിവാക്കി നടത്തുന്ന ശില്പശാലയില് പഠന ക്ലാസുകളും വിശകലന യോഗങ്ങളും മാത്രമേ ഉണ്ടായിരിക്കുകയുള്ളു. ഇതുവരെ 16 മണ്ഡലങ്ങളില് യൂണിറ്റ് രൂപീകരണം പൂര്ത്തിയായിരുന്നു. മഹാത്മാ ഗാന്ധിയുടെ ഛായാചിത്രത്തില് പുഷ്പാര്ച്ചന നടത്തി ആരംഭിക്കുന്ന ശില്പശാലയില് കോണ്ഗ്രസ് ചരിത്രം, വര്ത്തമാനകാല രാഷ്ട്രീയം, സി.യു.സി യൂണിറ്റ് രൂപീകരണം തുടങ്ങിയ വിഷയങ്ങളില് പഠന ക്ലാസുകള് നല്കും.
ഇതോടനുബന്ധിച്ച് രാജീവ് ഭവനില് ചേര്ന്ന യോഗം കെ.പി.സി.സി ജനറല് സെക്രട്ടറി എം.എം നസീര് ഉദ്ഘാടനം ചെയ്തു. ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പില് അദ്ധ്യക്ഷത വഹിച്ചു. പഴകുളം മധു, ജോര്ജ്ജ് മാമ്മന് കൊണ്ടൂര്, അഡ്വ. എ. സുരേഷ് കുമാര്, അഡ്വ.വെട്ടൂര് ജ്യോതിപ്രസാദ്, പഴകുളം സതീഷ്, ജെസി വര്ഗ്ഗീസ് എന്നിവര് പ്രസംഗിച്ചു. അഡ്വ.എ.സുരേഷ് കുമാര്, അഡ്വ.വെട്ടൂര് ജ്യോതിപ്രസാദ്, പഴകുളം സതീഷ് എന്നിവര് ജില്ലാ കോ – ഓര്ഡിനേറ്റര്മാരായും 20 ഓളം റിസോഴ്സ് പേഴ്സണ്മാര് അംഗങ്ങളായുള്ള സമിതിയാണ് യൂണീറ്റ് രൂപീകരണ പരിപാടികള്ക്ക് നേതൃത്വം നല്കുന്നത്. ഇവര്ക്കെല്ലാം തിരുവനന്തപുരം രാജീവ് ഗാന്ധി സ്റ്റഡി സെന്ററില് 2 ദിവസം നീണ്ട് നിന്ന ക്യാമ്പില് പരിശീലനം നല്കിയിരുന്നു.