പത്തനംതിട്ട : കോന്നി മുൻ എം എൽ എ വകയാർ എസ്റ്റേറ്റിൽ പിജെ തോമസ് (98) നിര്യാതനായി. റബർ ബോർഡ് മുൻ ചെയർമാൻ, കെ പിസിസി അംഗം, ഡിസിസി ഭാരവാഹി ഗ്രാമപഞ്ചായത്ത് അധ്യക്ഷനായിരുന്നു. സംസ്ക്കാരം 21ന് രാവിലെ 11 മണിയ്ക്ക്. കേരളത്തിലെ ഒരു പൊതുപ്രവർത്തകനും കോൺഗ്രസ് നേതാവും നിയമസഭാംഗവുമായിരുന്നു പിജെ തോമസ്. മൂന്ന് തവണ എം എൽ എ യും 22 വർഷം കോന്നി പഞ്ചായത്ത് പ്രസിഡന്റുമായിരുന്നു. റബർ ബോർഡ് ചെയർമാനായിരിക്കെ റബർ വ്യവസായത്തിന് വേണ്ടി ഏറെ പദ്ധതികൾ കൊണ്ട് വന്നു. 1965 ൽ കോന്നി നിയമസഭാ മണ്ഡലത്തിൽ ആദ്യമായി മത്സരിച്ചു ജയിച്ചു. 1967,1970,1977,1982 വർഷത്തിലും മത്സരിച്ചു.
