പത്തനംതിട്ട : മൈലപ്ര സര്വീസ് സഹകരണ ബാങ്ക് മുന് പ്രസിഡന്റ് ജെറി ഈശോ ഉമ്മന് (69) അന്തരിച്ചു. രോഗബാധിതനായി ചികിത്സയിലും വീട്ടില് വിശ്രമത്തിലും കഴിയുകയായിരുന്നു. ഇന്ന് രാത്രി 9 മണിയോടെ പത്തനംതിട്ട മുത്തൂറ്റ് ആശുപത്രിയില് വെച്ചായിരുന്നു അന്ത്യം. കേരളാ കോണ്ഗ്രസ് നേതാവായിരുന്ന ഇദ്ദേഹം കഴിഞ്ഞയിടെ സി.പി.എമ്മില് ചേര്ന്നിരുന്നു. ആറന്മുള മണ്ഡലത്തില് മത്സരിച്ചിട്ടുണ്ട്. മികച്ച സഹകാരി ആയിരുന്ന ഇദ്ദേഹം കുമ്പഴയില് മണ്ണൂര് എന്റര്പ്രൈസസ് എന്ന ഫുഡ് പ്രൊഡക്ട് സ്ഥാപനവും നടത്തിയിരുന്നു.
