ചാലക്കുടി : ഇന്ത്യന് ഫുട്ബോള് മുന് താരവും സന്തോഷ് ട്രോഫി കേരള ടീം ക്യാപ്റ്റനുമായിരുന്ന എം ഒ ജോസ് (77) അന്തരിച്ചു. ചാലക്കുടി ചിറമ്മല് മുളങ്ങാടന് കുടുംബാംഗമാണ്. വാര്ധക്യസംബന്ധമായ അസുഖങ്ങളെത്തുടര്ന്ന് എറണാകുളത്ത് സ്വകാര്യ ആശുപത്രിയില് ചികിത്സയിലായിരുന്നു. സംസ്കാരം വ്യാഴം പകല് 3.30ന് ചാലക്കുടി സെന്റ് മേരീസ് ഫൊറോന പള്ളി സെമിത്തേരിയില്. ഭാര്യ: റോസിലി. മക്കള്: ആന്റണി, മഞ്ജു. മരുമക്കള്: ആന്സി, ബിജു. 1972ല് സന്തോഷ് ട്രോഫി കേരള ടീം ക്യാപ്റ്റനായി.
1973ല് കേരളം ആദ്യമായി സന്തോഷ് ട്രോഫി നേടിയപ്പോള് ടീം അംഗമായിരുന്നു.അക്കാലത്തെ ഏറ്റവും വിശ്വസ്തനായ പ്രതിരോധ ഭടനായിരുന്നു. എഫ്എസിടിയിലൂടെ പ്രൊഫഷണല് ഫുട്ബോള് രംഗത്തേക്ക് കടന്നുവന്ന ജോസ് ജൂനിയര് തലത്തില്ത്തന്നെ ദേശീയ ശ്രദ്ധ പിടിച്ചുപറ്റി. 1960-കളുടെ അവസാനം ഇന്ത്യന് ജൂനിയര് ടീമില്. അണ്ടര് 19 ഏഷ്യന് യൂത്ത് ചാമ്പ്യയന്ഷിപ്പില് ഇന്ത്യന് ടീം അംഗമായിരുന്നു. 71-ലെ സന്തോഷ് ട്രോഫിക്കുള്ള കേരള ടീമിലെത്തി.
72-ല് ഗോവയില് നടന്ന സന്തോഷ് ട്രോഫി ടീമില് കേരളത്തിന്റെ നായകനായി. കേരളം ആദ്യമായി സന്തോഷ് ട്രോഫി ജേതാക്കളായ ’73-ല് ക്യാപ്റ്റന് മണി നയിച്ച ടീമിലുള്പ്പെട്ടെങ്കിലും പരുക്കിനെത്തുടര്ന്ന് കളിക്കാനായില്ല. 1960-കളുടെ അവസാനം മുതല് 70-കളുടെ പകുതി വരെ കേരള ടീമിന്റെ പ്രതിരോധനിരയിലെ മികച്ച താരമായിരുന്നു.
ഇരിങ്ങാലക്കുട ക്രൈസ്റ്റ് കോളേജില് പഠിക്കുമ്പോഴാണ് ഫുട്ബോളിലേക്ക് ശ്രദ്ധ കേന്ദ്രീകരിക്കുന്നത്. സര്വകലാശാലാ മത്സരങ്ങളിലെ മികച്ച പ്രകടനം എഫ്എസിടിയിലേക്കുള്ള വഴിതുറന്നു. എഫ്എസിടിയില്നിന്നും അഡ്മിനിസ്ട്രേഷന് മാനേജരായാണ് വിരമിച്ചത്.
