മുംബൈ: മഹാരാഷ്ട്രയില് ഒരു കുടുംബത്തിലെ 9 പേരെ മരിച്ച നിലയില് കണ്ടെത്തി. സാംഗ്ലി ജില്ലയിലെ മഹൈസലിലെ വീട്ടിലാണ് മൃതദേഹങ്ങള് കണ്ടെത്തിയത്. ആത്മഹത്യയെന്നാണ് പ്രാഥമിക നിഗമനം. സാമ്പത്തിക ഞെരുക്കമാണ് സംഭവത്തിന് പിന്നിലെന്നാണ് സൂചന. മരിച്ചവരില് നാല് സ്ത്രീകളും അഞ്ച് പുരുഷന്മാരും ഉള്പ്പെടുന്നു. ഒമ്പത് മൃതദേഹങ്ങളില് മൂന്നെണ്ണം ഒരേ സ്ഥലത്ത് നിന്നാണ് കണ്ടെത്തിയത്. മറ്റ് മൃതദേഹങ്ങള് വീടിന്റെ വിവിധ ഭാഗങ്ങളില് നിന്നും ലഭിച്ചു.
മൃതദേഹം മിര്സയുടെ സര്ക്കാര് ആശുപത്രിയില് പോസ്റ്റ്മോര്ട്ടം നടത്തി വരികയാണെന്ന് പോലീസ് പറഞ്ഞു. ഇവര് വിഷ പദാര്ത്ഥം കഴിച്ചതായി സംശയിക്കുന്നതായി പോലീസ് അറിയിച്ചു. എന്നാല് മരണകാരണം പോസ്റ്റ്മോര്ട്ടത്തിന് ശേഷമേ വ്യക്തമാകൂ. വിവരമറിഞ്ഞ് വന് ജനാവലിയും പോലീസും സ്ഥലത്ത് തടിച്ചുകൂടിയിരുന്നു. സാമ്പത്തിക പ്രതിസന്ധിയെ തുടര്ന്ന് കുടുംബം സമ്മര്ദത്തിലായിരുന്നുവെന്ന് നാട്ടുകാര് പറയുന്നു.
