അഴീക്കലില്‍ കാണാതായ മത്സ്യത്തൊഴിലാളിയുടെ മൃതദേഹം കണ്ടെത്തി

കൊല്ലം: അഴീക്കലില്‍ മത്സ്യബന്ധന ബോട്ട് മറിഞ്ഞ് കാണാതായ മത്സ്യത്തൊഴിലാളിയുടെ മൃതദേഹം കണ്ടെത്തി. പറയക്കടവ് സ്വദേശി ബിച്ചു എന്ന ബിപിനാണ് (24) മരിച്ചത്. കായംകുളം പൊഴിയ്ക്കടുത്താണ് മൃതദേഹം കണ്ടെത്തിയത്. അപകടത്തില്‍ നാല് പേര്‍ക്ക് പരിക്കേറ്റിരുന്നു. 36 പേരാണ് ബോട്ടിലുണ്ടായിരുന്നത്. ശ്രീമുത്തപ്പനെന്ന ബോട്ടാണ് തിരയില്‍പ്പെട്ട് ഇന്ന് രാവിലെ മറിഞ്ഞത്.