കോട്ടയം : നീങ്ങിത്തുടങ്ങിയ ട്രെയിനില് നിന്ന് ഇറങ്ങാന് ശ്രമിക്കുന്നതിനിടെ പ്ലാറ്റ് ഫോമിലേക്ക് തലയിടിച്ചുവീണ് ചികിത്സയിലായിരുന്ന കോട്ടയം സ്വദേശിനി മരിച്ചു.
മേലുകാവിലെ ജിന്സി ജോണ് ആണ് മരിച്ചത്. തിരുവല്ലയിലെ സ്വകാര്യ ആശുപത്രിയില് ചികിത്സയിലായിരുന്നു. കഴിഞ്ഞ തിങ്കളാഴ്ച രാത്രി ഏഴ് മണിയോടുകൂടിയായിരുന്നു സംഭവം. തിരുവല്ല സ്റ്റേഷനില് നിന്ന് ട്രെയിന് കോട്ടയം ഭാഗത്തേക്ക് പുറപ്പെടുന്ന സമയത്ത് ബോഗിയില് നിന്ന് പ്ലാറ്റ്ഫോമിലേക്കിറങ്ങാന് ശ്രമിക്കുകയും വീണ് തലക്ക് പരിക്കേല്ക്കുകയായിരുന്നു.
തിരുവല്ലയിലെ ആശുപത്രിയില് പ്രവേശിപ്പിച്ചിരുന്നു. ഇന്ന് പുലര്ച്ചെയായിരുന്നു മരണം സംഭവിച്ചത്. വിഷയവുമായി ബന്ധപ്പെട്ട് അഭ്യൂഹങ്ങളും പരക്കുന്നുണ്ട്. ജിന്സി ജോണ് യാത്രചെയ്ത കമ്പാര്ട്ട്മെന്റില് മുഷിഞ്ഞ വസ്ത്രം ധരിച്ച ഒരാളെ കണ്ടതായി സഹയാത്രികര് പറഞ്ഞതായാണ് അഭ്യൂഹം. സംഭവത്തെക്കുറിച്ച് റെയില്വേ പോലീസും തിരുവല്ല പോലീസും വിശദമായി അന്വേഷണം നടത്തിവരികയാണ്. റെയില്വേ സ്റ്റേഷനിലെ സിസിടിവി അടക്കം പരിശോധനയ്ക്ക് വിധേയമാക്കി. എന്നാല് അപകടംനടന്ന സ്ഥലത്തെ സിസിടിവി പ്രവര്ത്തനരഹിതമാണെന്നാണ് വിവരം.
