കൊച്ചി : എറണാകുളം മോട്ടോര് ആക്സിഡന്റ് ക്ലെയിം ട്രൈബ്യൂണല് (എം.എ.സി.ടി) ഉദ്യോഗസ്ഥയെ മരിച്ച നിലയില് കണ്ടെത്തി. കൊല്ലം ഓച്ചിറ പുലംപള്ളി വീട്ടില് ബിന്ദുവാണ് (42)മരിച്ചത്. പത്തടിപ്പാലം പാരിജാതം റോഡിനു സമീപത്തെ അപ്പാര്ട്ട്മെന്റിലാണ് മരിച്ച നിലയില് കണ്ടെത്തിയത്. ഒറ്റയ്ക്കായിരുന്നു താമസം. ഹൃദയസ്തംഭനമാണ് കാരണമെന്ന് കരുതുന്നതായി ബന്ധുക്കള് പറഞ്ഞു.
എല്ലാദിവസവും സഹോദരനെ ഫോണില് വിളിക്കുമായിരുന്ന ബിന്ദു ശനിയാഴ്ച വിളിച്ചില്ല. തുടര്ന്നു നടത്തിയ പരിശോധനയിലാണ് അടുക്കളമുറിക്ക് സമീപം വീണുകിടക്കുന്നത് കണ്ടത്. പോലീസും ബന്ധുക്കളുമെത്തി മൃതദേഹം എറണാകുളം മെഡിക്കല് കോളജ് ആശുപത്രിയിലേക്കു മാറ്റി. പോസ്റ്റ്മോര്ട്ടത്തിനു ശേഷം ബന്ധുക്കള് ഏറ്റുവാങ്ങി.