റാന്നി : ആദിവാസി യുവതി നല്കിയ പീഡന പരാതിയില് റാന്നി ഡി വൈ എസ് പി അറസ്റ്റ് വൈകിപ്പിക്കുന്നു എന്ന് യൂത്ത് കോണ്ഗ്രസ്സ് റാന്നി നിയോജക മണ്ഡലം കമ്മിറ്റി ആരോപിച്ചു. വെച്ചുച്ചിറ പോലീസ് സ്റ്റേഷനില് കേസ് രജിസ്റ്റര് ചെയ്തിട്ട് ദിവസങ്ങള് കഴിഞ്ഞിട്ടും ഇതുവരെയും പ്രതിയെ അറസ്റ്റ് ചെയ്തിട്ടില്ല. കൊല്ലമുള സി പി എം ലോക്കല് സെക്രട്ടറി ജോജി മഞ്ചാടിക്ക് എതിരെയാണ് പരാതി.
പ്രതിക്കു വേണ്ടി പാര്ട്ടി സ്വാധീനം ഉപയോഗിച്ച് കേസ് ഒത്ത്തീര്പ്പാക്കാന് നടക്കുന്ന ശ്രമത്തിന്റെ ഭാഗമായിട്ടാണ് പോലീസ് നടപടി മനപൂര്വം വൈകിപ്പിക്കുന്നതെന്ന് യൂത്ത് കോണ്ഗ്രസ് നേതാക്കള് പറഞ്ഞു. കേസ് അട്ടിമറിക്കാന് ശ്രമിക്കുന്ന റാന്നി ഡി വൈ എസ് പിയുടെ നടപടിയില് പ്രതിഷേധിച്ച് ഡി.വൈ.എസ്.പി ഓഫീസിലേക്ക് യൂത്ത് കോണ്ഗ്രസിന്റെ നേതൃത്വത്തില് മാര്ച്ച് നടത്തുമെന്നും നിയോജക മണ്ഡലം പ്രസിഡന്റ് അഡ്വ. സാംജി ഇടമുറി അറിയിച്ചു.
