പെര്ത്ത് : ഓസ്ട്രേലിയയില് കാണാതായ ആണവ വികിരണ ശേഷിയുള്ള സീഷ്യം 137 അടങ്ങിയ ലഘുഉപകരണം കണ്ടെത്തി. ന്യൂമാനിലെ റയോ ടിന്റോ ഇരുമ്പ് ഖനിയില് നിന്ന് 1400 കിലോമീറ്റര് അകലെ പെര്ത്ത് നഗരത്തിലെ സ്റ്റോറിലേക്കു ട്രക്കില് കൊണ്ടുപോയ ഗുളികവലുപ്പത്തിലുള്ള ഉപകരണമാണ് കഴിഞ്ഞ മാസം 10നു കാണാതായത്. ന്യൂമാനിനു തെക്കുമാറി ഗ്രേറ്റ് നോര്ത്തേണ് ഹൈവേയില് ആണവ വികിരണ വസ്തുക്കള് കണ്ടെത്താനുള്ള ഡിറ്റക്ടറുകള് ഉള്പ്പെടെ സന്നാഹങ്ങള് ഉപയോഗിച്ചുള്ള തിരച്ചിലിലാണ് ഉപകരണം കണ്ടെത്തിയത്.
അയിരില് ഇരുമ്പിന്റെ അളവ് കണ്ടെത്താന് ഉപയോഗിക്കുന്ന ഗെയ്ജ് യാത്രയ്ക്കിടെ ട്രക്കില് നിന്നു തെറിച്ചുപോയതാണെന്നാണ് കരുതുന്നത്. ഉപകരണത്തിനു കേടുപാടുകളൊന്നും സംഭവിച്ചിട്ടില്ലെന്ന് ആര്ക്കും പരിക്കേറ്റതായി റിപ്പോര്ട്ടില്ലെന്നും മുഖ്യ ആരോഗ്യ ഓഫീസര് ആന്ഡി റോബര്ട്ട്സണ് പറഞ്ഞു. ഉപകരണം ട്രക്കില്നിന്നു വീണതു സംബന്ധിച്ച് അന്വേഷിക്കാന് ഉത്തരവിട്ടിട്ടുണ്ട്. ആണവായുധത്തിന്റെ സ്വഭാവം ഇതിനില്ലെങ്കിലും കയ്യിലെടുക്കുകയോ സമീപത്ത് ഏറെനേരം കഴിയുകയോ ചെയ്യുന്നവര്ക്ക് ത്വക്രോഗവും ദഹന, പ്രതിരോധ വ്യവസ്ഥകളില് പ്രശ്നങ്ങളും ഉണ്ടാകാനിടയുണ്ടെന്ന് വിദഗ്ധര് പറയുന്നു. ദീര്ഘകാലം സമ്പര്ക്കം തുടര്ന്നാല് കാന്സറിനു കാരണമാകാം. ഇതില് നിന്നുള്ള വികിരണശേഷി 24 മണിക്കൂറിനുള്ളില് 10 എക്സ്റേയ്ക്കു തുല്യമാണ്.
വീഡിയോ എഡിറ്ററെ ആവശ്യമുണ്ട്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായിലേക്ക് വീഡിയോ എഡിറ്ററെ ആവശ്യമുണ്ട്. യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും ഓണ്ലൈന് ന്യുസ് ചാനലിന്റെ വീഡിയോ പ്ലാറ്റ്ഫോം കൈകാര്യം ചെയ്തുള്ള പരിചയം ഉണ്ടായിരിക്കണം. പത്തനംതിട്ട ഓഫീസില് ആയിരിക്കും ജോലി ചെയ്യേണ്ടത്. ശമ്പളം തുടക്കത്തില് 15000 രൂപാ പ്രതിമാസം ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
