ശ്രീനഗര് : ജമ്മുകശ്മീരില് മേഘവിസ്ഫോടനത്തില് നാലുപേര് മരിച്ചു. ബാരമുള്ള ജില്ലയിലാണ് അതി തീവ്ര മേഘവിസ്ഫോടനം ഉണ്ടായത്. ഒരാളെ കാണാതായി. അഞ്ചംഗ കുടുംബം രജൗരിയിലെ കല്സിയാന് നൗഷേരയിലെ താമസക്കാരായിരുന്നു. കാണാതായ ആള്ക്ക് വേണ്ടിയുള്ള തെരച്ചില് തുടരുകയാണ്.
ഡല്ഹിയിലും അതിര്ത്തി പ്രദേശങ്ങളിലും ഞായറാഴ്ച ഇടിമിന്നലോടെയുള്ള കനത്തമഴയ്ക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കി. രാജ്യതലസ്ഥാനത്ത് 46 വര്ഷത്തിനിടയിലെ റെക്കോര്ഡ് മഴയാണ് ശനിയാഴ്ച പെയ്തത്. സെപ്റ്റംബര് 17, 18 തീയതികളിലും മഴ ശക്തമാകുമെന്നാണ് ഇപ്പോഴത്തെ നിരീക്ഷണം. ഉത്തരാഖണ്ഡിലും ഹിമാചല്പ്രദേശിലും മഴതുടരുകയാണ്.
