കോഴിക്കോട് : ഉത്തര്പ്രദേശ് സ്വദേശിയായ 16കാരിയെ കൂട്ടബലാത്സംഗത്തിനിരയാക്കിയ സംഭവത്തില് ഉത്തര്പ്രദേശ് സ്വദേശികളായ നാലു പേര് പിടിയിലായി. ഇക്റാർ ആലം, അജാജ്, ഇർഷാദ്, ഷക്കീൽ ഷാ എന്നിവരാണ് പോലീസ് പിടിയിലായത്. പെണ്കുട്ടിയെ ബലാത്സംഗം ചെയ്ത ശേഷം ഇവര് ഒന്നാമത്തെ റെയില്വേ പ്ലാറ്റ്ഫോമില് ഉപേക്ഷിക്കുകയായിരുന്നു.
ചെന്നൈയില് ഇറങ്ങേണ്ട പെണ്കുട്ടിയെ പ്രതികള് ചേര്ന്ന് നിര്ബന്ധപൂര്വം ട്രെയിനിൽ പാലക്കാട്ട് എത്തിക്കുകയായിരുന്നു. പാലക്കാട് നിന്ന് റോഡ് മാര്ഗ്ഗം കോഴിക്കോട്ടെത്തിച്ച ശേഷം പാളയത്തെ റൂമില് വെച്ച് പീഡിപ്പിക്കുകയായിരുന്നു. പെൺകുട്ടി വാരണാസിയിൽ നിന്നാണ് ട്രെയിനില് കയറിയത്. ചെന്നൈയിലെ സഹോദരിയുടെ വീട്ടിലേക്ക് യാത്ര പോയതാണ് പെണ്കുട്ടി. യാത്രക്കിടയില് വെച്ചാണ്പ്രതികളുമായി പരിചയപ്പെട്ടത്. പെണ്കുട്ടിയെ പ്രതികള് ചെന്നൈയില് ഇറങ്ങാന് സമ്മതിച്ചില്ല. തുടര്ന്ന്പാലക്കാട്ട് എത്തിച്ച് അവിടെ നിന്ന് കോഴിക്കോട്ടേക്ക് റോഡ് വഴി എത്തിക്കുകയായിരുന്നു.
