തിരുവനന്തപുരം : ഇന്ധന വിലവര്ധനവില് കേന്ദ്ര സര്ക്കാരിനെതിരേയുള്ള കോണ്ഗ്രസിന്റെ പ്രതിഷേധ പരിപാടികള്ക്ക് ഇന്ന് തുടക്കമാകും. വിലക്കയറ്റ രഹിത ഭാരത പ്രചാരണം എന്ന് പേരിട്ടിരിക്കുന്ന സമരത്തില് ഇന്ന് രാവിലെ 11 മണിക്ക് വീടുകള്ക്ക് മുമ്പിലും പൊതുസ്ഥലങ്ങളിലും ഗ്യാസ് സിലിണ്ടറുകളില് മാലചാര്ത്തി പ്രതിഷേധിക്കും. സിലിണ്ടറിന് മുന്നില് നിന്ന് ചെണ്ട കൊട്ടിയും മണിയടിച്ചും പ്രതിഷേധിക്കാനും കോണ്ഗ്രസ് ആഹ്വാനം ചെയ്തിട്ടുണ്ട്.
ഇന്ന് മുതല് ഒരാഴ്ച നീളുന്ന രാജ്യവ്യാപക പ്രതിഷേധ പരിപാടികളാണ് സംഘടിപ്പിക്കുക. ജില്ലകള് കേന്ദ്രീകരിച്ചുള്ള പ്രതിഷേധ ധര്ണയും വരും ദിവസങ്ങളില് നടക്കും. രാജ്യത്ത് പെട്രോളിന്റെയും ഡീസലിന്റെയും വില ഇന്നലെയും കൂടിയിരുന്നു. ഒരു ലിറ്റര് പെട്രോളിന് 87 പൈസയും ഡീസലിന് 84 പൈസയുമാണ് ഇന്ന് വര്ധിച്ചത്.
