ഡല്ഹി : പാന് കാര്ഡ് ആധാറുമായി ബന്ധിപ്പിക്കാനുള്ള സമയപരിധി നീട്ടി കേന്ദ്രസര്ക്കാര്. അടുത്ത വര്ഷം മാര്ച്ച് 31 വരെയാണ് സമയം അനുവദിച്ചത്. നാളെ സമയപരിധി അവസാനിക്കാനിരിക്കെയാണ് ധനകാര്യ മന്ത്രാലയത്തിന്റെ തീരുമാനം. ആദ്യം പാന് കാര്ഡും ആധാറും തമ്മില് ബന്ധിപ്പിക്കേണ്ട അവസാന തീയതി 2017 ഓഗസ്റ്റ് 31 ആയിരുന്നു. പിന്നീട് പലപ്പോഴായി തീയതി നീട്ടിനീട്ടി 2021 ജൂണ് 30 വരെയാക്കി. തുടര്ന്ന് കൊവിഡ് വ്യാപനം ഉള്പ്പടെയുള്ള പല കാരണങ്ങളാല് വീണ്ടും തീയതി നീട്ടിയിരുന്നു.
