തൊടുപുഴ : പെട്രോള്, ഡീസല് പാചകവാതക വിലവര്ധനക്കെതിരെ തൊടുപുഴയില് കര്ഷകന്റെ ഒറ്റയാള് സമരം. വാഴക്കുളം തെക്കുംമലയില് പാലാട്ട് തങ്കച്ചനാണ് കേന്ദ്ര, സംസ്ഥാന സര്ക്കാറുകള്ക്കെതിരെ നഗരമധ്യത്തില് വേറിട്ട സമരം നടത്തിയത്. വെള്ളിയാഴ്ച വൈകുന്നേരം തൊടുപുഴ മുനിസിപ്പല് ബസ് സ്റ്റാന്ഡ് പരിസരത്തുനിന്ന് ഗാന്ധി സ്ക്വയറിലേക്കായിരുന്നു തങ്കച്ചന്റെ ഒറ്റയാള് സമരം.
കറുപ്പ് വേഷമണിഞ്ഞും ചങ്ങലകളാല് ബന്ധിച്ചും തലയില് വിറകുകെട്ടുമേന്തി ടയര് ഉരുട്ടിയായിരുന്നു സമരം. ഗാന്ധി സ്ക്വയറില് വിറക് കത്തിച്ചാണ് സമരം അവസാനിപ്പിച്ചത്. ഇന്ധനത്തിന്റെയും പാചകവാതകത്തിന്റെയും നികുതി 50 ശതമാനമായി കുറക്കണമെന്നും തങ്കച്ചന് ആവശ്യപ്പെട്ടു.
