എറണാകുളം: പറവൂരില് വട്ടിപ്പലിശക്കാരുടെ ഭീഷണിയെ തുടര്ന്ന് ആത്മഹത്യ ചെയ്ത വീട്ടമ്മയുടെ സംസ്കാരം ഇന്ന്. കോട്ടുവള്ളി സ്വദേശി ആശ ബെന്നി പുഴയില് ചാടി ജീവനൊടുക്കിയത് നിരന്തര ഭീഷണിയില് മനംനൊന്താണെന്ന് ബന്ധുക്കള് ആരോപിക്കുന്നു. അന്വേഷണം ആവശ്യപ്പെട്ട് കുടുംബം പോലീസില് പരാതി നല്കും. പലിശക്കാര് മൂന്ന് തവണ ഭീഷണിപ്പെടുത്തിയെന്ന് ആശയുടെ കുടുംബം പറഞ്ഞു. പണമിടപാട് സംബന്ധിച്ച വിവരം അറിയുന്നത് 11ാം മുതലാണെന്നും പോലീസില് പരാതിപ്പെട്ടതിനു ശേഷവും ഭീഷണി തുടര്ന്നുവെന്നും കുടുംബം ആരോപിച്ചു. പണമിടപാട് സംബന്ധിച്ച കൂടുതല് വിവരങ്ങള് പോലീസ് തേടും.
