മുംബൈ : 16കാരിയെ കൂട്ടബലാത്സംഗം ചെയ്ത കേസില് എട്ട് പേരെ പോലീസ് അറസ്റ്റ് ചെയ്തു. മഹാരാഷ്ട്രയിലെ പാര്ഘറിലാണ് പെണ്കുട്ടി ക്രൂരബലാത്സംഗത്തിന് ഇരയായത്. പ്രതികളിലൊരാള് പ്രായപൂര്ത്തിയാകാത്ത ആണ്കുട്ടിയാണെന്നാണ് വിവരം. ഇയാളാണ് പെണ്കുട്ടിയെ പ്രലോഭിപ്പിച്ച് പാല്ഘറിലെ ആളൊഴിഞ്ഞ പ്രദേശത്ത് എത്തിച്ചത്. തീരപ്രദേശത്തിന് സമീപത്തുള്ള ആളൊഴിഞ്ഞ ബംഗ്ലാവില് പെണ്കുട്ടിയെ എത്തിച്ച് കൂട്ടബലാത്സംഗത്തിന് ഇരയാക്കുകയായിരുന്നുവെന്ന് പോലീസ് പറഞ്ഞു.
വെള്ളിയാഴ്ച രാത്രി 8 മണി മുതല് ശനിയാഴ്ച രാവിലെ 11 മണിവരെ പ്രതികള് പെണ്കുട്ടിയെ മാറിമാറി ബലാത്സംഗത്തിന് ഇരയാക്കുകയായിരുന്നുവെന്ന് പോലീസ് പറയുന്നു. ആളൊഴിഞ്ഞ ബംഗ്ലാവില് വെച്ചും കടല്ത്തീരത്ത് കുറ്റിക്കാടുകള്ക്ക് ഇടയില് വെച്ചും തന്നെ ക്രൂരപീഡനത്തിന് ഇരയാക്കിയെന്ന് പെണ്കുട്ടി പോലീസിന് മൊഴി നല്കി. പെണ്കുട്ടിയുടെ പരാതിയുടെ അടിസ്ഥാനത്തില് 8 പ്രതികളെയും പാല്ഘര് പോലീസ് അറസ്റ്റ് ചെയ്തു.
