തിരുവനന്തപുരം : സന്യാസിയുടെ ജനനേന്ദ്രീയം മുറിച്ച കേസ് സൂഷ്മമായി അന്വേഷിക്കാന് ക്രൈംബ്രാഞ്ച് തീരുമാനം. ജനനേന്ദ്രീയം മുറിച്ചതിന് പിന്നില് ഗൂഢാലോചനയും ഉന്നതര്ക്ക് പങ്കുണ്ടെന്നും വിലയിരുത്തല്. പ്രായപൂര്ത്തിയാകുന്നതിന് മുന്പ് മുതല് ഗംഗേശാനന്ദ പീഡിപ്പിച്ചിട്ടുണ്ടെന്നും പെണ്കുട്ടി മൊഴി നല്കി. ഇതോടെ ഗംഗേശാനന്ദയെ അറസ്റ്റ് ചെയ്ത പോലീസ് കുറ്റപത്രം നല്കാനും തീരുമാനിച്ചിരിക്കെയാണ് അന്വേഷണം ക്രൈം ബ്രാഞ്ച് ഏറ്റെടുത്തത്. 2017 മെയ് 19 രാത്രിയാണ് ഗംഗേശാനന്ദ സ്വാമിയുടെ ജനനേന്ദ്രീയം മുറിച്ച ഞെട്ടലുളവാക്കിയ സംഭവം നടക്കുന്നത്.
സന്യാസി ലൈംഗിക അതിക്രമത്തിന് ശ്രമിച്ചപ്പോള് 23കാരിയായ വിദ്യാര്ഥിനി സ്വയംരക്ഷയ്ക്കായി ചെയ്തെന്ന് വരുത്തിത്തീര്ക്കുകയായിരുന്നു എന്ന് ക്രൈംബ്രാഞ്ച്. സന്യാസിയെ മാത്രം പ്രതിയാക്കിയ പോലീസ് അന്വേഷണത്തില് ഒട്ടേറെ വീഴ്ചകളെന്നും ക്രൈം ബ്രാഞ്ച് റിപ്പോര്ട്ടില് പറയുന്നു. അന്വേഷണത്തിന് ഐ.ജിയുടെ നേതൃത്വത്തിലുള്ള പ്രത്യേക സംഘത്തെ ഉടന് ചുമതലപ്പെടുത്തും. മൂന്ന് വര്ഷം പിന്നിടുമ്പോള് കേസ് മറ്റൊരു വഴിത്തിരിവിലാണ്.
