കോന്നി : തണ്ണിത്തോട് കല്ലാറ്റില് തോട്ട എറിഞ്ഞ് മീന് പിടിക്കുന്ന സംഘങ്ങള് വ്യാപകമാകുന്നു. തേക്കുതോട് റോഡില് തിരിക്കയത്തിലാണ് തോട്ട ഇടുന്ന സംഘങ്ങള് ഏറെയും. നദിയുടെ തീരങ്ങളില് പതുങ്ങി ഇരിക്കുന്ന സംഘങ്ങള് റോഡിലെ തിരക്ക് കുറയുന്ന സമയങ്ങളിലാണ് നദിയിലേക്ക് തോട്ട എറിഞ്ഞ് മീന് പിടിക്കുന്നത്. ഇങ്ങനെ ചത്തുപൊങ്ങുന്ന മീനുകള് ഒഴുകി നദീ തീരങ്ങളില് അടിഞ്ഞ് കൂടി ദുര്ഗന്ധം വമിക്കുന്നതും പതിവാണ്. ഈ ഒഴുക്കി എത്തുന്ന വെള്ളമാണ് ജനങ്ങള് കുളിക്കുന്നതിനും വസ്ത്രം കഴുകുന്നതിനും മൃഗങ്ങളെ കുളിപ്പിക്കുന്നതിനുമെല്ലാം ഉപയോഗിക്കുന്നത്.
ഇത് രോഗ വ്യാപനത്തിനും ഇടയാക്കുന്നുണ്ട്. ഇതിനെതിരെ നടപടി സ്വീകരിക്കുന്നതിനും ബന്ധപ്പെട്ട അധികൃതര് തയ്യാറാകുന്നില്ല. പലപ്പോഴും ഉച്ച സമയങ്ങളിലാണ് തോട്ട പൊട്ടിക്കുന്നത്. നദിയുടെ ഒരു ഭാഗം വനവും ഒരു ഭാഗം റോഡുമായതിനാല് ആളുകള് ശ്രദ്ധിക്കുന്നുണ്ടെന്ന് കണ്ടാല് തോട്ട പൊട്ടിക്കുന്നവര് വനഭാഗത്തേക്ക് മാറി ഒളിച്ചിരിക്കുന്നുവെന്നും പറയുന്നുണ്ട്. വ്യാപകമാകുന്ന തോട്ട ഇടല് വലിയ പാരിസ്ഥിക പ്രശ്നങ്ങളും സൃഷ്ടിക്കുന്നുണ്ട്. വാഹനങ്ങളില് എത്തി തോട്ട പൊട്ടിക്കുന്ന സംഘങ്ങളും കുറവല്ല.
