തിരുവനന്തപുരം : തമ്പാനൂരില് ഹോട്ടലില് മരിച്ചു നിലയില് കണ്ടെത്തിയ കാട്ടാക്കട വീരണക്കാവ് സ്വദേശി ഗായത്രിയുടെ മരണം കൊലപാതകമെന്ന് പോലീസ്. യുവതിക്കൊപ്പം ഹോട്ടലില് താമസിച്ച കൊല്ലം കോട്ടപ്പുറം സ്വദേശി പ്രവീണാണ് ഗായത്രിയെ കൊലപ്പെടുത്തിയത്. പ്രതി കുറ്റം സമ്മതിച്ചുവെന്നും പോലീസ് വ്യക്തമാക്കി. പ്രണയബന്ധത്തെ ചൊല്ലിയുള്ള തര്ക്കമാണ് കൊലപാതകത്തിന് കാരണമായതെന്നും ഹോട്ടല് മുറിയില്വെച്ച് ഗായത്രിയെ ശ്വാസം മുട്ടിച്ച് കൊലപ്പെടുത്തിയതാണെന്ന് പ്രവീണ് സമ്മതിച്ചതായും പോലീസ് പറഞ്ഞു.
ശനിയാഴ്ച ഗായത്രിക്കൊപ്പം മുറിയെടുത്ത പ്രവീണിനെ കാണാനില്ലായിരുന്നു. വൈകീട്ടോടെ പ്രവീണ് മുറിയില് നിന്ന് പുറത്ത് പോയിരുന്നു. മുറി പുറത്തുനിന്ന് പൂട്ടിയ നിലയില് ആയിരുന്നു. പ്രവീണ് ആണ് മരണ വിവരം ഹോട്ടലില് വിളിച്ചു പറഞ്ഞത്. പെണ്കുട്ടിയെ കാണാനില്ലെന്ന വീട്ടുകാര് നേരത്തെ പരാതിപ്പെട്ടിരുന്നു. മരിച്ച ഗായത്രിയും പ്രവീണും നഗരത്തിലെ ജ്വല്ലറിയില് ഒരുമിച്ച് ജോലി ചെയ്തിരുന്നവരാണ്. എട്ട് മാസം മുന്പ് വരെ ഗായത്രി ഇവിടെ ജോലി ചെയ്തിരുന്നു.
