പറവൂര് : വാഹനാപകടത്തില് പരിക്കേറ്റ് ചികിത്സയിലിരുന്ന വിദ്യാര്ഥിനി മരിച്ചു. മാല്യങ്കര എസ്.എന്.എം കോളജ് ബി.കോം മൂന്നാം വര്ഷ വിദ്യാര്ഥിനി അനഘയാണ് (20) മരിച്ചത്. പെരുവാരം പറമ്പത്ത് (നാരായണീയം) ജയന്റെ മകളാണ്. കഴിഞ്ഞ വ്യാഴാഴ്ച വൈകീട്ട് മൂന്നിന് സഹപാഠിയും സുഹൃത്തുമായ പറവൂര് കൊട്ടുവളപ്പറമ്പില് തനൂജയോടൊപ്പം ഇരുചക്രവാഹനത്തില് കോളജില്നിന്ന് വീട്ടിലേക്ക് മടങ്ങുമ്പോള് ദേശീയപാതയില് മൂത്തകുന്നം കവലയിലായിരുന്നു അപകടം. റോഡിനു കുറുകെ കടക്കുന്നതിനിടെ കൊടുങ്ങല്ലൂര് ഭാഗത്തേക്ക് പോകുകയായിരുന്ന ടാങ്കര് ലോറി ഇടിക്കുകയായിരുന്നു. അനഘ പിന്സീറ്റിലാണ് ഇരുന്നിരുന്നത്. തലക്ക് ഗുരുതരമായി പരിക്കേറ്റ അനഘ എറണാകുളത്തെ സ്വകാര്യ ആശുപത്രിയില് ചികിത്സയിലിരിക്കെയാണ് മരിച്ചത്. അപകടത്തില് തനൂജക്ക് പരിക്കേറ്റെങ്കിലും ഗുരുതരമല്ല.
